Өфөлә «Йәш Ворошилов уҡсыһы» билдәһе тапшырылды. Тантаналы Колонналар залында үтте. «Ворошилов уҡсыһы» билдәһен алыусыларҙы Башҡортостан Хөкүмәте премьер-министры урынбаҫары Алексей Касьянов менән Рәсәй ДОСААФ-ының Башҡортостан бүлексәһе етәксеһе Игорь Нурмөхәмәтов ҡотланы. 21-се быуаттың «Ворошилов уҡсыһы» исемлеген республиканың төрлө тарафтарынан йыйылған 73 егет һәм ҡыҙ тулыландырҙы. Улар ҡорал менән идара итеүҙә уңышлы һөҙөмтәләр күрһәткән.
«Ворошилов уҡсыһы» хәрәкәте 1930-сы йылдарҙа булдырыла. Меңәрләгән совет үҫмерҙәре снайперлыҡ оҫталығына өйрәнә, мәргәнлеккә көс һынаша. Әле «Ворошилов уҡсыһы» билдәһе юғары уҡыу йорттарына уҡырға ингәндә лә ярҙам итә ала. Абитуриентҡа ул өҫтәмә балл бирә.
