Бөгөн суммаһы 1 триллион һумға иҫәпләнгән 2 мең 400 проект тормошҡа ашырыла. Республикала 5 йылдам үҫеш биләмәһе, “Алға” айырым иҡтисади зонаһы уңышлы эшләй. Вице-премьер - Иҡтисади үҫеш һәм инвестиция сәйәсәте министры Рөстәм Моратов һөйләй.
“Башҡортостанда “Инвестиция сәғәттәре” кәңәшмәһе үткәрелә. Инвесторҙарға дәүләт ярҙамы ҡаралған”, - ти “Рәсәй терәге” кесе һәм урта эшҡыуарлыҡ буйынса Бөтә Рәсәй йәмәғәт ойошмаһы төбәк бүлексәһе рәйесе Ләйсән Николаева.
Башҡортостанда ете йылда инвестициялар 76 процентҡа артҡан. Был күрһәткес буйынса республика Волга буйы федераль округта – беренсе, Рәсәйҙә – 12-се урында.
