Гидротехник ҡоролмалар тикшерелә, һыу кимәле контролдә тотола, иҫкәртеү саралары уҙғарыла. Ғәҙәттән тыш хәлдәр буйынса дәүләт комитеты рәйесе Кирилл Первов белдереүенсә, 44 хакимиәттә 313 ауылды һыу баҫыу хәүефе бар.
“1 апрелгә тиклем уртаса һауа температураһы норманан 6-8 градусҡа юғары була. Ташҡын ҡапыл башланыу арҡаһында йылғаларҙа боҙ тығыны барлыҡҡа килеүе ихтимал”, - ти Башгидрометүҙәк етәксеһе Алексей Перонко.
Республика яҙғы ташҡында Ғәҙәттән тыш хәл тыуғанда халыҡты эвакуациялау планлаштырылған. Бының өсөн 45 мең кешегә 334 ваҡытлыса урынлаштырыу пункты әҙерләгән.
