Тәүмаҡсат-ҡатын-ҡыҙҙарға көтөлмәгән йөклөлөк һәм тормоштағы ҡатмарлы хәлдең, шул уҡ ваҡытта финанс ауырлыҡтарҙың баланы ҡалдырыу сәбәбе булмауын аңлатып, ярҙам күрһәтеү. Былтыр ғына 13 сабый әсәһе янында ҡалған. Шул уҡ ваҡытта белгестәр тәрбиә әңгәмәләрен уҙғарыуҙан тыш, ғаиләләге проблемаларҙы өйрәнә, документтарҙы рәсмилләштерергә, бала өсөн карауат, коляска һәм башҡа кәрәк-яраҡтар һатып алырға ярҙам итә. Опека һәм попечителлек идаралығынан сабыйҙан баш тартыу осрағы тураһында хәбәр килеү менән ойошма хеҙмәткәрҙәре шунда уҡ бала табыу йортона йә перинаталь үҙәккә юллана. «Ғаилә» ресурс үҙәгендә лә ауыр тормош хәленән сығыуҙа ярҙам күрһәтелә.
