Махсус хәрби операцияла ҡатнашыусы яугирҙарҙың яҡындарын берләштергән сараға илдең 14 төбәгенән гүзәл заттар йыйылды. Ижади конкурста сығыш яһаусыларҙы Рәсәй оборона министры урынбаҫары,"Ватанды һаҡлаусылар" дәүләт фонды рәйесе Анна Цивилева менән Республика башлығы Радий Хәбиров сәләмләне.
Анна Цивилева Башҡортостанда яугирҙар һәм уларҙың яҡындары өсөн ойошторолған ярҙам сараларын юғары баһалап рәхмәтен еткерҙе.
Республикала әле махсус хәрби операцияла ҡатнашыусыларға һәм уларҙың ғаилә ағзаларына булышлыҡ итеү буйынса 55 ярҙам сараһы тормошҡа ашырыла. Уларға психологик ярҙам күрһәтелә һәм көнкүреш мәсьәләләре хәл ителә.
