Махсус хәрби операция яугирҙарына ярҙам итеү маҡсатында хәйриә концерты. Хәйбулла районы мәҙәниәт йортонда Сәриә һәм Юлай Асҡаровтарҙың «Берҙәмлектә көс» тип аталған концерты үтте. Тамашаға яугирҙарҙың ата-әсәләре, туғандары саҡырылған. Бындай саралар халыҡтың тупланыуына ҙур өлөш индерә, тигән фекерҙә ойоштороусылар. Хәйриә концертына саҡырылған ҡунаҡтар патриотик рухтағы йырҙары менән сығыш яһаны. Тамашанан йыйылған аҡса махсус хәрби операция биләмәһенә, яугирҙарға кәрәк-яраҡ әйберҙәр һатып алыуға йүнәлтелә.
