Төбәк сәйәсәтен үҫтереү үҙәге эксперттары шундай һығымтаға килгән. Улар Росстат, АСИ һәм Expert рейтингтары мәғлүмәттәренә нигеҙләнеп «Рәсәй төбәктәренең инвестиция сәйәсәте: төп тенденциялар һәм күҙаллауҙар» докладын тәҡдим итте. Тикшеренеү йомғаҡтары буйынса, республика рейтингта 4-се баҫҡыста урынлашып, Рәсәйҙең иң яҡшы 5 субъекты исемлегенә инде. Был төбәктәр инвесторҙар өсөн уңайлы шарттар булдырыуға йүнәлтелгән һөҙөмтәле социаль-иҡтисади сәйәсәт алып бара. Был аңлашыла, сөнки, инвесторҙарға инфраструктураһы һәм логистик базаһы, шулай уҡ нефть һәм газ тармағы яҡшы үҫешкән төбәктәр ҡыҙыҡлы.
