Махсус хәрби операцияла ҡатнашыусыларға ярҙам, мәктәп һәм медицина учреждениеларын яңыртыу, торлаҡ һәм юл төҙөлөшө, сәнәғәт етештереүен арттырыуға ирешеү. Бөгөн Дәүләт Йыйылышы-Ҡоролтайҙа Республика хөкүмәтенең уҙған йылдағы эшмәкәрлеге буйынса отчет тыңланды. Парламент рәйесе урынбаҫары Илшат Тажетдинов билдәләүенсә, ҡатмарлы шарттар булһа ла һөҙөмтәле эш алып барыла. Инвестциялар артыуы, социаль йөкләмәләр үтәлеше ошоға аныҡ дәлил.
