Туризм өлкәһендәге башланғыс менән казак утары йәмғиәте атаманы, махсус хәрби операция ветераны Константин Вотинцев сыҡҡан. «Рәсәйҙә эш» кадрҙар үҙәгендә алғы һыҙыҡтан ҡайтҡан яугирҙың бизнес-планы ҡаралып хупланды. Проект буйынса ветерандарҙың мәшғүллеген тәьмин итеү, йәштәрҙе илһөйәрлек рухында тәрбиәләү маҡсаты ҡуйылған. Быйыл муниципалитетта социаль контракт буйынса бизнес асыуға, йә булған эште үҫтереүгә 350 мең һум күләмендә дәүләт ярҙамы алыуға 21 квота бүленгән. Константин Вотинцев та проектын тормошҡа ашырыуға өҫтәмә финанс ярҙам аласаҡ.
Мәшғүллек үҙәгендә социаль контракт буйынса тормошҡа ашырыласаҡ тағы ла ике проект ҡаралды. Уларға ярашлы, велосипед, самокатты прокатҡа биреү буйынса яңы пункт асыу, шулай уҡ теген оҫтаханаһы булдырыу ҡаралған. Махсус хәрби операция ветерандарына килгәндә, кадрҙар үҙәге ҡарамағында «Үҙеббеҙҙекеләр» тип исемләнгән клуб ойошторолған. Әле унда 28 кеше теркәлгән, алғы һыҙыҡтан ҡайтҡан яугирҙарға бизнес-план төҙөү һәм уны тормошҡа ашырыу буйынса мәғлүмәт-консультация хеҙмәте күрһәтелә.
