Ауыл мәҙәниәт йортонда алғы һыҙыҡҡа ебәреү өсөн гуманитар йөк туплана. Ирекмәндәр маскировка селтәрҙәре үрә, хәрбиҙәр өсөн плащ тегә, посылкалар әҙерләй. Мәҙәниәт йорто директоры, “Изгелек” ирекмәндәр төркөмө етәксеһе Лена Ултыраҡова һөйләй.
“Ауыл халҡы берҙәм. Һәр ғаилә яугирҙарҙың иҫән-һау йөрөп ҡайтыуын көтә”, - ҡатын-ҡыҙҙар Советы рәйесе Сәйҙә Исҡужина.
“Юлдаш” радиоһының Журналист–ирекмәндәр төркөмө “Беҙҙең ирекмән” фотоконкурсын иғлан итте. “Бәйләнештә” социаль селтәрендә яугирҙарға ярҙам күрһәткән волонтерҙар тураһында мәғлүмәт ҡалдырырға кәрәк. Ярыш еңеүсеһе йәшәгән ҡала йәки ауылда ирекмәндәр слетын ойоштороу ҡарала. Уға шулай уҡ “Халыҡ ирекмәне” тигән иҫтәлекле миҙал һәм диплом тапшырыла.
