Махсус режим октябргә тиклем дауам итә. Ғәҙәттән тыш хәлдәр министрлығының Башҡортостан буйынса баш идаралығы етәксеһе Владимир Горин белдереүенсә, документҡа ярашлы 214 ауыл һәм ҡала, 69 баҡсасылыҡ ширҡәте, 48 балалар ойошмаһы иғтибарға алына.
Ҡотҡарыусылар халыҡты янғын хәүефһеҙлеге ҡағиҙәләрен теүәл үтәргә саҡыра. Ғәҙәттән тыш хәлдәрҙә Берҙәм ҡотҡарыу хеҙмәтенә, 112 һандарына шылтыратырға кәрәк.
