Өс көн дауамында Хөсәйен Әхмәтов исемендәге Башҡорт дәүләт филармонияһында джаз артистары үҙҙәренең программаһын тәҡдим итте. Тамашасылар алдында республиканың алдынғы джаз коллективтары, Олег Ҡасимов етәкселегендәге квартет сығыш яһаны. Фестивалгә донъяның төрлө төбәктәренән ҡунаҡтар килде. Улар араһында «Грэмми» премияһы лауреаты Виталий Головнев, Рәсәйҙең халыҡ артисы, легендар пианист һәм илдә джазды популярлаштырыусы Даниил Крамер, Францияла йәшәп ижад итеүсе Моник Томас һәм башҡалар бар.
