Дәүләт автоинспекцияһы хеҙмәткәрҙәре водителдәрҙең машиналарҙы ҡуйыу, шул иҫәптән инвалидтар өсөн тәғәйенләнгән урындарҙа ҡалдырыу ҡағиҙәләрен үтәүҙе тикшерә.
Автомобилдең быялаһында «Инвалид» билдәһе булһа, инспекторҙа һорау тыумаҫ ине. Водителдең машина янында булыуы һәм инвалидлыҡ тураһында белешмә күрһәтеүе уңай. Юғиһә, машинаны штраф туҡталҡаһына алып китеү ихтималлығы янай. Сөнки баш ҡалалағы гипермаркет эргәһендәге туҡталҡала инвалид юл билдәһе булыуына ҡарамаҫтан, теләгән һәр кем тимер атын ҡалдырып китә.
Рейд барышында дәүләт автоиспекторҙары водителдәрҙең машиналарҙы парковкалау һәм туҡтатыу ҡағиҙәләрен үтәүен, айырыуса инвалидтар өсөн тәғәйенләнгән урындарҙы тикшерә.
Өс ай эсендә республика буйынса инвалидтар өсөн тәғәйен урында машина ҡуйыусыларға ҡарата 13 меңдән ашыу, тейешһеҙ урында туҡтаған 20 меңдән ашыу автоһәүәҫкәргә ҡарата протокол төҙөлгән
«Парковка» операцияһы 14 апрелгә тиклем дауам итә. Закон боҙоусыларға 5 мең һум күләмендә штраф ҡаралған, ә транспорт сараһы махсус туҡталҡаға оҙатыла.
Рәмилә Исмәғилева
