Мәғариф министрлығы Рәсәй мосолмандарының үҙәк диниә назараты, Башҡортостан мосолмандары диниә назараты һәм Рус православ сиркәүенең Өфө епархияһы менән хеҙмәттәшлек тураһында килешеү төҙөнө. Уға ярашлы, дөйөм белем биреү мәктәптәрендә дәрестән тыш «дини мәҙәниәт нигеҙҙәре һәм донъяуи этика» предметы индереләсәк. Уны уҡытыу үҙенсәлектәре «Ҡанатлан» форумы сиктәрендә уҙған ултырышта өйрәнелде.
