Зәйнәб Биишева исемендәге Башҡортостан «Китап» нәшриәтенең ижади майҙансығында сираттағы баҫманың исем туйы үтте.
Был юлы сара билдәле фольклорсы-ғалимә, Башҡортостандың халыҡ сәсәниәһе Розалия Солтангәрәеваның «Башҡорт халҡының ғөрөф-ғәҙәттәре: ҡиммәттәре һәм заманса практикалар» тип исемләнгән йыйынтығына арналды. Яңы китап халҡыбыҙҙың боронғо ғөрөф-ғәҙәттәре, йолаларын үҙ эсенә алған. Баҫма фольклор ғилеме һәм халыҡ йолалары менән ҡыҙыҡһыныусылар өсөн берҙәй ҡыҙыҡлы ғилми хеҙмәт булып тора.
