Профилактик сара 11 сентябргә тиклем дауам итә. Күсмә мобиль комплекстар алты маршрут буйынса эшләй. Быйыл табиптар 386 ауылда халыҡты ҡабул итә. Был турала хөкүмәттә оператив кәңәшмәлә Һаулыҡ һаҡлау министры Айрат Рәхмәтуллин белдерҙе.
“Акцияға халыҡты күберәк йәлеп итергә кәрәк”, - тине Республика Башлығы Радий Хәбиров.
“Сәләмәт республика-сәләмәт төбәк” акцияһы 2019 йылдан тормошҡа ашырыла. Белгестәр 820 меңдән ашыу халыҡты ҡабул иткән. 2 меңдән ашыу яман шеш сире һәм 4 меңдән ашыу шәкәр диабеты асыҡланған.
