Өфөнөң Иван Якутов исемендәге мәҙәниәт һәм ял паркы 90 процентҡа тиклем әҙер. Ҡалған күңел асыу майҙансыҡтары май баштарында тулы көстә эш башлар тип күҙаллана. Бар ҡоролмаларҙың да техник торошо тикшерелә. Хәүефһеҙлек сараларына бәйле был мотлаҡ сара. Атракциондарҙы ваҡытлыса урынлаштырғанда ла, билдәләнгән тәртип буйынса теркәү үтеү талап ителә. Шул уҡ ваҡытта көн дә техник хеҙмәтләндереү талап ителә. Ҡулланыусыларға тәртип-ҡағиҙәләр буйынса мәғлүмәт стенды ҡуйыу, һаулыҡ, йәш, буй, ауырлыҡ буйынса сикләүҙәр ҙә асыҡ булырға тейеш.
