Хәрбиҙәр ике аҙна дауамында туғандары һәм яҡындары менән ял иткән, көнкүреш мәсьәләләрен хәл иткән, һаулығын нығытҡан, власть органдарына консультациялар менән мөрәжәғәт иткән. Мәктәптәрҙә үҫмерҙәр алдында хәрби-илһөйәрлек сараларында сығыш яһаған. Яугирҙарҙы туғандары, ҡатындары, балалары, дуҫтары һәм хеҙмәттәштәре оҙатырға килгәйне. Һалдаттар яуҙаштарына ғаиләләренән исемле посылкалар тапшырасаҡ. Донбасҡа хәрби бурысын үтәргә улар Башҡортостан Башлығы ҡушыуы буйынса бүленгән уңайлы автобустарҙа юлланды.
