Бөгөн республика башлығының «Комос групп» холдингы идарасыһы менән эшлекле осрашыуҙа төбәктә холдинг составындағы эшкәртеү ҡеүәттәрен үҫтереү мәсьәләләре ҡаралды. «Аҙыҡ-түлек хәүефһеҙлеген технологик тәьмин итеү» милли проекты сиктәрендә, Ҡырмыҫҡалы һәм Кушнаренко райондарында агротехнологик класс барлыҡҡа киләсәк.
Ул агроинженерия һәм аҙыҡ-түлек продукцияһын эшкәртеү кеүек ике төп йүнәлештә үҫешер тип көтөлә. Мәктәп партаһынан башланған проект, артабан Башҡорт дәүләт аграр университетында тормошҡа ашырыласаҡ. Ошо рәүешле, инвестор киләсәктә кадрҙар тәьминәте мәсьәләләрен дә хәл итеү бурысын ҡуя. Холдинг етәкселеге Радий Хәбиров менән осрашыуҙа шулай уҡ, Өфө һөт заводын техник яҡтан ҡайтанан йыһазландырыу проекты тикшерелде. Был сеймал эшкәртеү күләмен һәм етештерелгән продукция ассортиментын, шул иҫәптән экспорт өсөн дә арттырыу мөмкинлеген бирәсәк.
