Тәбиғәттән файҙаланыу һәм экология министрлығы иғлан иткән сараға ярашлы, баш ҡалала тәгәрмәстәрҙе йыйыу өсөн 7 майҙансыҡ ойошторолған. Сүп-сар контейнерҙары эргәһендә йыйылған шиналар ҡайтанан эшкәртеүгә оҙатыла. Артабан улар балалар майҙансыҡтары, спорт залдары түшәмен, аяҡ кейемдәре етештереүҙә ҡулланыла. Үтилгә китмәгән шина тирә-яҡ мөхиткә зыян килтерә, 30 йылдан 100 йылға тиклем серемәй зарарлы матдәләр сығара.
