Теплоход «Дуҫлыҡ Монументы» аҫтындағы причалға килеп туҡтаны. Түбәнге Новгород-Ҡазан-Түбәнге Кама аша үткән судно өсөн Өфө һуңғы туҡтталыш, әйткәндәй, был маршрутҡа баш ҡала өс йыл элек индерелә. «Йылға-диңгеҙ» класына ҡараған теплоходта 200-ҙән ашыу пассажир сәйәхәт итә. Туҡталыш ваҡытында улар өсөн ҡала буйлап экскурсия ойошторолдо.
Май аҙағына тиклем Өфөгә тиҫтәләгән судно килеүе көтөлә. Киләһе круиз лайнерын, атап әйткәндә, дүрт палубалы «Александр Пушкин» теплоходын баш ҡала 1 май ҡабул итәсәк. Ә 9 май бәләкәй суднолар парады көтөлә. 45-кә яҡын карап һәм катер ҡатнашлығында сағыу тамаша төшкө сәғәт берҙә башлана.
