Өфөлә «Берҙәм Рәсәй» партияһының төбәк йәмәғәт ҡабул итеү бүлмәһенә берҙәм ҡабул итеү көнөндә махсус хәрби операцияла ҡатнашыусылар һәм уларҙың ғаилә ағзалары килде. Ҡабул итеү медицина тәьминәте мәсьәләләре буйынса ойошторолдо.
Халыҡты борсоған һорауҙарҙы Башҡортостан хәрби комиссары урынбаҫары полковник Ринат Латипов, хәрби-табип экспертизаһы үҙәге етәксеһе Арсланбәк Моталипов һәм граджандар менән эшләү бүлеге етәксеһе Денис Асабин тыңланы. Мәсьәләләр яуаплы органдарға еткерелеп, тиҙ арала хәл ителәсәк. Хәрбиҙәр һәм уларҙың яҡындарына психологик ярҙам күрһәтеү өсөн ҡабул итеү бүлмәһендә республиканың алдынғы психотерапевты Наталья Тулбаева консультация үткәрҙе.
