Хәүефһеҙлек талаптарын күҙ уңында тотоп быйыл ул онлайн форматта үтә. Әммә был илебеҙҙә иң яратҡан, халыҡсан акцияға иғтибар кәмей тигәнде аңлатмай. Онлайн-марш 9 майҙа көндөҙгө сәғәт 12-лә 2026.polkrf.ru сайтында башлана. Тарихты боҙоп күрһәтеүҙе һәм провокацияларҙы булдырмау маҡсатында модераторҙар бөтә анкеталарҙы ентекле тикшерә. Бының өсөн ваҡыт кәрәк, шуға ла теркәлеү иртәгә, 6 майҙа тамамлана. Геройҙарыбыҙҙың батырлыҡтары тураһындағы хәтерҙе һаҡлау, уны киләһе быуындарға тапшырыу-беҙҙең изге бурысыбыҙ. «Үлемһеҙ полк»-Ватанды һаҡлаусылар алдында баш эйеү өсөн тағы бер мөмкинлек, тип яҙған Башҡортостан башлығы.
