Махсус хәрби операция яугирҙары һәм уларҙың ғаилә ағзалары иғтибарына! «Ватанды һаҡлаусылар» дәүләт фонды филиалынан хәбәр итеүҙәренсә, яңынан-яңы мутлашыу схемалары барлыҡҡа килә. Шуға күрә ойошма хеҙмәткәрҙәре смс-хәбәрҙәр һәм мессенджерҙар аша шәхси мәғлүмәт ебәрмәҫкә саҡыра. Дәүләт ярҙамы тик фонд бүлексәләрендә, шәхсән мөрәжәғәт иткән осраҡта күрһәтелә. Ойошма Эске эштәр министрлығы менән берлектә халыҡҡа иҫкәртеү эше лә алып бара.
