“Константин Толкачев Башҡортостан үҫешенә ҙур өлөш индергән Кеше. Ул ябай булмаған осорҙа республика парламентын етәкләне. Аҡыллы ҡарарҙар ҡабул итте”. Радий Хәбиров Дәүләт Йыйылышы-Ҡоролтай рәйесе менән хушлашыу сараһында шулай тип белдерҙе.
“Константин Толкачев Рәсәй кимәлендә абруйлы сәйәсмән булды. Уны ихтирам иттеләр. Башҡортостан парламенты башланғысы менән булдырылған күп ҡанундар федераль законға әйләнде”, - тип белдерҙе Федерация Советының фән, мәғариф һәм мәҙәниәт буйынса комитеты рәйесе Лилиә Ғүмәрова.
