13-15 йәшлек спорсылар алышында майҙан хужалары Башҡортостан иҫәбен ике миҙал менән тулыландырҙы. Баш ҡаланың Фехтование буйынса Олимпия резервы спорт мәктәбе тәрбиәләнеүсеһе Алтынай Кәримова пьедесталдың икенсе баҫҡысына күтәрелһә, Мәрйәм Әмирова бронза яуланы. Финалдағы драматик ҡаршылыҡ тамашасыларҙа ла ҙур көсөргәнеш тыуҙырҙы! Ниһайәт, көслө алышта Алтынай Кәримова көмөш миҙалға лайыҡ булды. Ҡыҙҙар икеһе лә тренер Европа чемпионаты призеры Кирилл Ивановта шөғөлләнә.
