Дәүләкәндән «Резо» позывнойлы яҡташыбыҙ федераль телеканал эфирында пилотһыҙ аппараттар менән идара итеү тураһында һөйләне. Уға 26 йәш. Резо контракт төҙөп махсус хәрби операцияла ҡатнаша. Тиҙ арала заман техникаһы менән оҫта идара итергә өйрәнгән, бөгөн уны көйләү, төҙәтеү оҫталығына өйрәтә. Ул идара иткән «Депеша» робот-техника комплексы фронтта иң кәрәкле ҡорамалдарҙың береһе. Кескәй генә машина разведка яһай, яугирҙәргә юл аса, аҙыҡ-түлек, яғыулыҡ, ҡорал ташый, хатта яралыларҙы алып сыға.
