Премьер-министр Андрей Назаров хәбәр итеүенсә, республикала 1 миллиондан ашыу йәш кеше бар. Был күрһәткес буйынса Башҡортостан округта беренсе һәм илдә етенсе урында. Беҙҙә 67 йәштәр сәйәсәте учреждениеһы һәм 179 волонтер үҙәге эшләй. 2025 йылда беҙҙең республика йәштәр сәйәсәтен ғәмәлгә ашырыу һөҙөмтәлелеге буйынса өсөнсө урын алған. Андрей Назаров Йәштәр сәйәсәте һәм Финанс министрлыҡтарына муниципалитеттарҙа йәштәр учреждениелары хеҙмәткәрҙәренең эш хаҡын арттырыу мөмкинлеген ҡарарға ҡушты.
