Демобилизацияланған хәрбиҙәргә социаль ярҙам ойошторолған. “Инвалид һәм ҡаты яраланғандар иғтибар үҙәгендә”, - ти “Ватанды һаҡлаусылар” дәүләт фондының төбәк филиалы етәксеһе Гөлнур Ҡолһарина.
Махсус хәрби операция яугирҙары араһында иң яҡшы һөнәр оҫталары билдәләнә. Конкурстың республика этабы иртәгә Өфөлә уҙа. Унда яңы һөнәр үҙләштергән, үҙ эшен асҡан яугирҙар ҡатнаша. Еңеүселәр федераль кимәлгә сыға. Финал октябрҙә Һамар өлкәһендә була.
