Өфөлә крикет буйынса халыҡ-ара студенттар турниры старт алды

Өфөлә Рәсәйҙең медицина һәм фармацевтика университеттарында белем алыусы сит ил студенттары өсөн крикет буйынса халыҡ-ара тукрнир үтә. Етенсе тапҡыр ойошторолған ярыш Өфөлә билдәле спорт сараһына әйләнеп бара. Өс көн дауамында еңеү өсөн 8 команда көс һынашасаҡ. Республика данын Башҡорт дәүләт медицина һәм педагогия университеттарынан ике команда яҡлай. Турнирҙа шулай уҡ Ырымбур, Омск, Силәбе һәм Пермь студенттары ҡатнаша.


Крикет бик шәп спорт төрө. Ҡасандыр ул онотолоп торғайны. Әммә хәҙер Башҡорт дәүләт медицина университеты тырышлығы менән ул яңынан терегеҙелә һәм күп халыҡты йәлеп итә. Бының өсөн уҡыу йортона ҙур рәхмәт. Башҡорт дәүләт медицина университеты ысынлап та Башҡортостанда крикеттың амббассодоры. Өфөләргә был спорт төрө менән яҡындан танышыу мөмкинлеге тыуҙырҙылар.

Динара Юлаева, Башҡортостандың крикет федерацияһы вице-президенты


Ярышта һәр кем еңеү тураһында хыяллана. Мин дә беренсе урынҡа ынтылам. Беҙ ике команда-беренсе һәм икенсе урындарҙы бүлешербеҙ, тип уйлайым. Артабан мин халыҡ-ара финалда ҡатнашырға теләйем. Һуңғы ике йылда ла беҙ беренсе һәм икенсе урындар яулағайныҡ.

Вирма Каш, Башҡорт дәүләт медицина университетының крикет буйынса йыйылма командаһы ағзаһы
Акции БСТ
БАШКОРТТАР-БСТ