Ил кимәлендә ойошторолған сара мультижанрлы шоу форматында булды. “Проект бер сәхнәлә төрлө милләт мәҙәниәтен күрһәтеүе менән үҙенсәлекле”, – ти Башҡортостандың халыҡ артисы Ришат Төхвәтуллин.
Республика халыҡ уйын ҡоралдары милли оркестры, Фәйзи Ғәскәров исемендәге халыҡ бейеүҙәре ансамбле, Хор капеллаһы, “Узорица” рус музыкаһы һәм йыры ансамбле, шулай уҡ Әй-Йола төркөмө Башҡортостан мәҙәниәтен күрһәтте. “Берҙәмлек шаңдауы” ил Президенты Владимир Путин иғлан иткән Рәсәй халыҡтары берҙәмлеге йылында ярашлы үтте. “Был сара милләт-ара дуҫлыҡты тағы ла нығыта”, тине AY Yola төркөмө солисы, Башҡортостандых халыҡ артисы Ринат Рамазанов.
