Уны “Юлдаш” радиоһының “Журналист-ирекмәндәр” төркөмө ойошторҙо. Сарала махсус хәрби операция яугирҙары, ирекмәндәр, республика киң мәғлүмәт саралары хәбәрселәре ҡатнашты. “Хәрби берләшмәләр бөтә кәрәк-яраҡ менән тулыһынса тәьмин ителгән. Республика уларға даими ярҙам итә. Һалдаттарҙың рухы күтәренке. Бөгөн фронтта иң кәрәклеһе дрондар һәм пилотһыҙ осҡостар менән идара итеүселәр”, - тине Алик Камалетдинов.
Башҡортостан Башлығы кәңәшсеһе ирекмәндәргә рәхмәт белдерҙе. Уларҙы хәрбиҙәрҙең заявкаһы буйынса эшләргә саҡырҙы. Журналист Лариса Абдуллина Алик Камалетдиновҡа “Позывной “Башкир”” китабын бүләк итте.
