Өфө районы Чесноковка ауылында йәшәүсе һәүәҫкәр рәссам Флүзә Сәйфетдинова йортонда шәхси күргәҙмә ойошторған. Һәләтле ҡул оҫтаһы картиналары төбәк тәбиғәте, тирә-яҡтың матурлығы, тәбиғәт миҙгелдәре, мөхәббәт темаларына бағышланған. Ижади эштәрен ул һатыуға сығармай, бүләк итеп тарата. Картиналарҙы яҙғанда төҫлө буяуҙарҙан тыш биҙәүес элементтарын ҡуллана.
