“Башҡортостан халҡына тарих һәм мәҙәниәтебеҙ тураһында китаптар тәҡдим итеүебеҙгә шатбыҙ. Өфө һәм республика гүзәллеге, ҡунаҡсыллығы менән һоҡландыра”, - ти нәшриәт вәкиле Хөсәйен Әлиев.
Артем Мөхәрәмов махсус хәрби операция ветераны. Бөгөн ул “Ватанды һаҡлаусылар” фонды филиалы социаль координаторы. “Китап йәрминкәһе сағыу байрам. Бында илһөйәрлек темаһына ҙур урын бирелеүе оҡшай”, - ти ул.
Китап байрамы майҙансығындағы саралар киске сәғәт 10-ға тиклем дауам итә. Бөгөнгө осрашыуҙар ғаилә темаһына арнала. Асыҡ һауала кино күрһәтелә. Тамашасыға Айнур Асҡаровтың “Йыл ғаиләһе” картинаһы тәҡдим ителә. Ул 12 йәштән өлкәндәргә тәғәйенләнә.
