Унда Республика Башлығы Радий Хәбиров етәкселегендәге Башҡортостан делегацияһы ла ҡатнаша. Эшлекле йыйында 150 сессия ултырышы ҡаралған. Программа 5 йүнәлештән тора. Радий Хәбиров форумдың Башҡортостан иҡдисады өсөн әһәмиәте хаҡында әйтеп үтте.
Ғәҙәттәгесә, Петербург халыҡ-ара иҡтисади форумында Рәсәй төбәктәрендәге инвестиция мөхите торошоноң милли рейтингы һөҙөмтәләре тәҡдим ителә. Уны Стратегик башланғыстар агентлығы төҙөй. “Башҡортостан яйлап үҫте, һуңғы йылдарҙа өсөнсө урында ныҡ торҙо”, – ти Радий Хәбиров
Петербург халыҡ-ара иҡтисад форум 6 июнгә тиклем дауам итә. Иртәгә Рәсәй президенты Владимир Путин ҡатнашлығында пленар ултырыш була. Форумда донъяның 130-ҙан ашыу иленән 20 меңдән ашыу кеше ҡатнаша.
