Медицина тикшереүе «Оҙон һәм әүҙем ғүмер» милли проекты буйынса алып барыла. Диспансер тикшереүҙе йәшәү урыны буйынса поликлиникала үтергә мөмкин. Ул 40 йәшкә тиклемге граждандар өсөн өс йылға бер тапҡыр тәғәйенләнә, ә 40 йәштән өлкәнерәктәргә йыл һайын. Диспансеризация программаһы йылдан-йыл камиллаштырыла. 2024 йылдан уға репродуктив сәләмәтлек баһаһы индерелгән, ә быйылдан инфаркт һәм инсульт хәүефен, ҡандағы холестерин кимәлен билдәләргә, кеше папилломаһы вирусын асыҡларға мөмкинлек биргән анализдар индерелә. Табиптар әйтеүенсә, диспансеризация сирҙәрҙе ваҡытында асыҡлау һәм башланғыс стадияһында дауалау мөмкинлеге бирә.
