Райондан оҙатылған гуманитар ылау тәғәйен урынға барып еткән. Был турала беҙгә “Журналист” ҡушаматлы яугир хәбәр итте. Хәрбиҙәргә машина, генераторҙар, маскировка селтәрҙәре, төҙөлөш материалдары һәм башҡа кәрәк-яраҡтар тапшырылған. Миңлеғәли Шайморатов исемендәге штаб һәм “Ҡатын-ҡыҙҙар гвардияһы” ирекмәндәре посылкалар ебәргән. Йөктө район хакимиәте башлығы Динис Солтанов оҙатып барған.
Башҡортостандан 179-сы гуманитар ылау оҙатылды. Яугирҙар өсөн кәрәк-яраҡтар республика башлығы Радий Хәбиров ҡушыуы буйынса тупланған. Гумнитар ылау әҙерләүҙә ҡала һәм райондар, ойошма һәм предприятиелар ҡатнашты.
