Уны Башҡортостандың транспорт һәм юл хужалығы министрлығы һәм Дәүләт автоинспекцияһы тимер юлсылар,байкерҙар менән бергә ойошторҙо.
Мотоуҙышта ҡатнашыусылар Мәжит Ғафури исемендәге Башҡорт академия драма театры янында старт алып баш ҡала урамдары буйлап Сафронов пристане тимер юл үткәүеленә барҙы. Маҡсат -водителдәргә тимер юл аша сыҡҡанда юл хәрәкәте ҡағиҙәләрен үтәү кәрәклеген хәтергә төшөрөү. Рәсәй буйынса тимер юлдарында авариялар күбәйгән.
Халыҡ-ара тимер юл аша сығыу урындарына иғтибар йәлеп итеү көнөнә арналған сара бөгөн бөтә республикала: Шишмәлә, Стәрлетамаҡта, Аксенда һәм Белоретта үтте.
Акцияла ҡатнашыусылар водителдәргә иҫкәртмәләр тапшырҙы. Поезд бер секундта 25 метр үтә һәм ул тиҙ генә туҡтай алмай, ә тормоз юлы 800 -1000 метрға етергә мөмкин. Тап шуға ла сығып өлгөрәм, тип бындай урындарҙа ашығыу урынһыҙ.
