Бөгөн - Рәсәй көнө. Дәүләт байрамы Башҡортостанда киң ҡолас менән үткәрелә. Өфө бер юлы ике ҙур байрамды – Рәсәй һәм Ҡала көндәрен билдәләй. Баш ҡалала саралар башланды, киске сәғәттәргә тиклем дауам итә. Дәүләт Думаһы депутаты, Бөтә донъя башҡорттары ҡоролтайы президиумы рәйесе Эльвира Айытҡолова белдереүенсә, бөгөн беҙҙең илебеҙ киләсәккә ышаныслы ҡараған көслө һәм ҡеүәтле дәүләт, Башҡортостан уның айырылғыһыҙ өлөшө.
