Унда республика исеменән Әҙеһәм Исҡужин исемендәге өлгөлө ҡурайсылар, “Дарман” халыҡ бейеүҙәре һәм “Зоренька” рус йыры ансамблдәре сығыш яһай. Фестивалдә Көйөргәҙенән 13 йәшлек Әнүәр Вәхитов оҙон көйҙәр башҡара. Баҡалынан 15 йәшлек музыкант Азамат Ханнанов ҡурайҙа уйнай. Бөтә Рәсәй балалар фольклориадаһы 23 июндә башлана. 24-ендә Өфөнөң “Башҡортостан” дәүләт концерт залы алдындағы майҙанда Дуҫлыҡ әйлән-бәйләне була. Унда 1 меңдән ашыу ҡыҙ һәм малай ҡатнаша.
