Өлөшләтә йәйәүлеләр зонаһына әйләнәсәк Октябрь революцияһы урамында ҡыҙыу эш мәле. Әлеге ваҡытта буласаҡ йәмәғәт киңлегенең Цюрупа урамынан алып Яңы түшәлгән юл урамына тиклемге участкала селтәрҙәрҙе үҙгәртеп ҡороу тамамланған, асфальт-бетон япмаһы түшәлгән. Йыл аҙағына тиклем был арауыҡта барлыҡ эштәрҙе тамамлап, реконструкцияның икенсе этабына күсеү планлаштырыла.
Йәйәүлеләр, автомобиль зонаһын ойоштороу, селтәрҙәрҙе яңырытыуҙан тыш, юл буйындағы биналарҙы төҙөкләндереү ҙә ҡаралан. Октябрь революцияһы урамында 70-тән ашыу мәҙәни мираҫ объекты иҫәпләнә. Уларҙың 39-ына реконструкция талап ителә. Был эште алдағы биш йылда атҡарып сығыу һәм яңыртылған биналарҙа белем, күңел асыу учреждениеларын асыу күҙҙалана. Тәүгеләрҙән булып реконструкция 1770 йылда төҙөлгән Демидовтар йортонда башланасаҡ.
