Һаулыҡ һаҡлау белгестәрен бүләкләү тантанаһы бер нисә майҙанда үтә. Уларҙың береһе Ауыл хужалығы министрлығының Колонналар залында уҙҙы. Хөкүмәт премьер-министры Андрей Назаров 32 медицина хеҙмәткәренә дәүләт наградалары тапшырҙы. 20 кеше “Башҡортостандың атҡаҙанған табибы”, 9 –ы “Башҡортостандың атҡаҙанған һаулыҡ һаҡлау хеҙмәткәре” тигән маҡтаулы исем бирелде.
“Республикала табиптарға төрлө ярҙам саралары ҡаралған. Медицина учреждениеларын төҙөү, яңыртыу һәм заманса ҡорамалдар менән йыһазландырыуға етди иғтибар бирелә”, - ти Дәүләт Думаһы депутаты, табип Римма Үтәшева.
Медицина хеҙмәткәре көнө быйыл 21 июндә билдәләнә.
