Унда Волга буйы федераль округының 14 төбәгенән 300-ҙән ашыу ҡыҙ һәм малай ҡатнаша. Республика Ғаилә, хеҙмәт һәм халыҡты социаль яҡлау министры урынбаҫары Юрий Мельников белдереүенсә, сара етем һәм ата-әсә ҡарауынан мәхрүм ителгән балаларға ярҙам күрһәтеү, уларҙы тормошҡа яраҡлаштырыу маҡсатында ойошторола.
“Бала саҡты ҡайтарыу” фестивале сентябрҙә уҙғарыла. Ҡыҙ һәм малайҙар өсөн спорт ярыштары, ижади конкурстар, оҫталыҡ дәрестәре, осрашыуҙар ҡаралған.
