Быйыл һөнәри һәм урта махсус уҡыу йорттарында 24 меңдән ашыу бюджет урыны булдырылған. “Профессионалитет” федераль проектына ярашлы 1 миллиард 200 миллион һум аҡса бүлеү ҡаралған. Программала ҡатнашыусы белем биреү учреждениелары матди-техник базаһын нығыта, студенттар эш урындары менән тәьмин ителә. Өфө машиналар эшләү колледжы директоры Булат Зиннуров белдереүенсә, уҡыу йортонда 525 бюджет урыны бар.
Документтарҙы “Дәүләт хеҙмәттәре” порталы аша ҡалдырырға була. Шулай уҡ уҡыу йорттарында ҡабул итеү комиссияһы эшләй.
