Мәҙәниәт министрлығынан хәбәр итеүҙәренсә, илдең 80 төбәгенән 78 ижади коллектив һәм 8 солист килгән. Улар халыҡ йыры һәм бейеүе башҡара, уйын ҡоралдарында уйнай. Бөгөн “Башҡортостан” дәүләт концерт залы янындағы майҙанда Дуҫлыҡ әйлән-бәйләне була. Унан һуң балалар парадта ҡатнаша. 18 сәғәттә Совет майҙанында фестивалде асыу тантанаһы башлана, ҙур концерт була. Киске сәғәт 9-ҙа Рәсәйҙең атҡаҙанған артисы Марина Девятова йырлай. 25 июндә баш ҡалала “AY YOLA” төркөмө, 26-һында Зәйнетдин этно-шоу проекты сығышын ҡарарға була.
