Башҡортостанда Бөтә Рәсәй хеҙмәт йәрминкәһендә ике меңдән ашыу кеше эш тапҡан, 650 кеше алдан килешеү төҙөгән. Республика ҡала-райондарында уҙған йәрминкәләрҙә һөнәри йүнәлеш биргән уйындар, үҙ эшен асырға теләүселәр өсөн консультациялар ойошторолдо. Йәрминкәлә меңдән ашыу эш биреүсе ҡатнашты, улар 17 меңдән ашыу вакансия тәҡдим итте. Был тәңгәлдә махсус хәрби операция ветерандарына һәм уларҙың ғаилә ағзаларына ярҙам итеүгә айырыуса иғтибар бүленә.
