Заправкаларҙағы сират һәм бензинға бәйле һорауҙарға тура эфирҙа Яғыулыҡҡа бәйле хәлде көйләү буйынса республика штабы етәксеһе, Башҡортостан Хөкүмәте Премьер-министры урынбаҫары-сәнәғәт, энергетика һәм инновациялар министры Александр Шельдяев яуап бирҙе. АЗС-тарҙа ашығыс һәм махсус хеҙмәттәр өсөн яғыулыҡ һәр ваҡыт бар. Әле шау-шыу кәмеүе күҙәтелә, ә запас тупларға яратҡан канистр хужалары шәхси хужалыҡта һаҡланған яғыулыҡ янғынға сәбәпсе булған осраҡта яуаплылыҡҡа тарттырылыуы ихтимал. Башҡа саралар ҙа ҡаралған.
