Заманса ҡорамалды Өфө районында уҙған “Баҫыу көнө”ндә күрһәттеләр. Пилотһыҙ осоу аппарат 100 килограмдан ашыу йөк күтәрә һәм 10 гектар ерҙе эшкәртә ала. Бындай техника ямғырлы миҙгелдә химик утауҙы еңелләштерә, ти белгестәр. Ауыл хужалығы министрлығы мәғлүмәттәре буйынса, треспублика үҫемлекселек предприятиеларында әле навигация менән 6 мең берәмек техника һәм мониторинг өсөн 30-ҙан ашыу дрон бар. 2030 йылға паркты 200 берәмеккә еткереү ҡарала.
