Өфө вуз-ара кампус биләмәһендә 4 меңгә яҡын студент йәшәйәсәк. Бүлмәләр ике, өс һәм дүрт урынлыҡ буласаҡ. Ятаҡтар киләһе йыл файҙаланыуға тапшырылыр тип күҙаллана. Уҡыу һәм йәшәү өсөн бында барлыҡ уңайлыҡтар: коворкинг, китапхана, кафе һәм спорт залы кеүек уртаҡ зоналар ҡаралған. Балалар баҡсаһы эшләйәсәк.
Кампустың фәнни-белем биреү өлөшө-IQ-парк 2 йыл элек эшләй башлағайны, былтыр Геном үҙәге үҙ ишектәрен асты. Тулы ҡеүәттә эш башлау Башҡортостандың фән үҫешенә яңы һулыш бирер һәм яңы исемдәр асыр тип көтөлә.
