Был турала бөгөн Башҡортостандың яғыулыҡ баҙарындағы хәлгә арналаған брифинг барышында хәбәр ителде.Шулай ҙа проблемалы биләмәләр бар әле. Шул иҫәптән Өфөнөң Дим биҫтәһендә һәм республиканың 10 муниципалитетында яғыулыҡҡа юғары ихтыяж һаҡлана. Улар тураһында мәғлүмәт Оперштабҡа тапшырылған һәм тиҙҙән был төбәктәргә өҫтәмә яғыулыҡ илтеү ойоштороласаҡ. Өфөнән Стәрлетамаҡҡа бензовоздар юлланған да инде. Республиканың барлыҡ автозаправкаларында да хәлде Оператив штаб контролдә тота.
